Porrúa, Llanes, Asturies
S.E.B. Escar, 2012
Desendolcu: 16 m.
Fondura: -3 m.
Coordenaes: UTM 30T X: 353.766, Y: 4807.979, Z: 40 m.s.n.m. (Dátum WGS84).
Xeoloxía: Roca caliar, prieto y llaminao (formación Barcaliente) del Carboníferu superior (Namuriense).
Descripción: Nes condiciones hidrolóxiques habituales la entrada a la cueva ye una poza inundada, y tola cavidá afayase somorguiada. En condiciones de seca el sifón vacíase y ye posible percorrer una quincena de metros per un conductu de pequeñes midíes hasta atopar una estrechura que cierra'l pasu y que caltién un intensu tiru d'aire. Esti puntu atópase a escasos ocho metros de les galeríes de la Cueva la Vallina, y ta pendiente de destorgamientu.
Hidroloxía: Esta h.uente ye la surdencia del ríu de la Cueva la Vallina, ensin rellación cola H.uente la Vallina, qu'aporta un caudal superior ya independiente.
Andecharon nos trabayos: A lo llargo de la primavera de 2012 visitamos esti fontán en munches ocasiones, atopándolu siempres sifonáu. Nel mes d'agostu d'esi añu, con seca, foi esploráu -de forma independiente- por Juan Carlos Riobello "Río" y por Pablo Solares, siendo esti últimu l'autor de la topo y d'esta reseña.
- Topografía -
Asoleyao el 18 de xunu de 2013
- Esploración en cursu -
