Esti blogue ñaz col enfotu d'asoleyar les esploraciones soterrañes desendolcaes por la S.E.B. Escar y estremaos grupos d'espeleoloxía collaboraores nel área kárstico de Las Mañangas, nel conceyu Llanes, Asturies. Equí podrás atopar les reseñes y topografíes de les cavidaes esploraes, y dellos otros trabayos rellacionaos.

Este blog nace con el deseo de dar a conocer las exploraciones subterráneas desarrolladas por la S.E.B. Escar y diversos grupos de espeleología colaboradores en el área kárstica de Las Mañangas, en el concejo de Llanes, Asturias. Aquí podrás encontrar las reseñas y las topografías de las cavidades exploradas, y otros trabajos relacionados.

Cueva la Fresquera

(MA-05)

Porrúa, Llanes, Asturies

S.E.B. Escar / G.E. Gorfolí, 2012, 2016

Desendolcu: 10 m.
Fondura: -1'5 m.

Coordenaes: UTM 30T X: 353.762, Y: 4807.974, Z: 45 m.s.n.m. (Dátum WGS84).

Asitiamientu: Atópase una trentena de metros per baxo la Cueva la Vallina.


Xeoloxía: Roca caliar, prieto y llaminao (formación Barcaliente) del Carboníferu superior (Namuriense). Esta cueva supón un antiguu accesu (surdencia fósil o trop-plein) a la rede soterraña de la Cueva la Vallina, güei tapecíu por un derrumbe. Comprobose l'axuntanza entambes cueves primero col usu de fumu, y posteriormente de mena auditiva, algamando a sintise y entendese espeleólogos asitiaos d'ún y otru llau del derrumbe. Sicasí, nun foi posible l'axuntanza física cola Cueva la Vallina.

Descripción: Tratase de un tramu de galería de pocu percorríu y midíes modestes (1,5 m de diámetru) que fina nun caos de costeros con un tiru d'aire intensu. Esti puntu atópase a escasos dos metros de les galeríes de la Cueva de Vallina, polo que en 2012  s'entama un llabor de destorgamientu, col que se continuó (y a la fin diose por imposible pola mor de la so peligrosidá) nel veranu de 2016.

Toponimia ya historia: El nome la cueva fai referencia a la corriente d'aire que se sinte na boca, qu'alienda aire frío nos meses de veranu (y qu'aspira nos meses fríos). Esto fizo qu'antañu fora emplegada davezu pa caltener frío la lleche, la mantega y otros productos.

Andecharon nos trabayos: Pablo Solares atopa la boca en febreru de 2012, entamando pocu tiempu depués col destorgamientu, nel que collaboraren con elli Juan Carlos Riobello "Río", Myriam Nunes y Nacho Montero. Nel mes d'agostu del mesmu añu P. Solares la topografía. Posteriormente, nel veranu de 2016 participaron nel segundu intentu de destorgamiento J. C. Riobello, Eduardo Puerta (G.E. Gorfolí) y dellos otros espeleólogos. La redaición d'esta reseña y el dibuxu final de la topo son autoría de P. Solares.

- Topografía -


Última actualización el 8 de mayu de 2017
- Esploración finalizada -